Nokia អាច​នឹង​យឺត​ពេល​ក្នុង​ការ​ប្រើ Android

កាលពីខែមិថុនា កន្លងទៅ មានព័ត៌មានជាច្រើន បាននិយាយថា ក្រុមហ៊ុន Nokia អាចនឹងប្ដូរយុទ្ធសាស្រ្ត មកប្រើប្រាស់ ប្រព័ន្ធដំណើរការ Android នៅក្នុងឆ្នាំ ២០១៦ នៅពេលដែល ក្រុមហ៊ុន Nokia និង Microsoft ផុតកិច្ចព្រមព្រៀងប្រើប្រាស់ Windows Phone។
ដោយឡែកនៅពេលនេះ មានក្រុមហ៊ុនទីផ្សារ ធំៗចំនួនពីរបស់ Nokia បាននិយាយថា ក្រុមហ៊ុន Nokia អាចនឹងយឺតពេលក្នុង ការជ្រើសរើសយក ប្រព័ន្ធដំណើរការ Android មកប្រើនៅក្នុងឆ្នាំ ២០១៦ ព្រោះថានៅពេលនេះ មានក្រុមហ៊ុនផលិតទូរស័ព្ទ ជាច្រើនបានជ្រើសរើសយក Android ជាប្រព័ន្ធដំណើរការ សម្រាប់ស្មាតហ្វូន របស់ខ្លួន។
ក្រុមហ៊ុនទីផ្សារធំៗទាំងពីរខាងលើ បានបន្ថែមទៀត បើសិនជាយកល្អ ក្រុមហ៊ុន Nokia គួរតែបន្តភាពស្និទ្ធស្នាល ឲ្យបានច្រើននឹងក្រុមហ៊ុន Microsoft ក្នុងការប្រើប្រាស់ នូវអាជ្ញាប័ណ្ណ Windows Phone ជាមួយនឹងស្មាតហ្វូនរបស់ Nokia ព្រោះថា គ្មានក្រុមហ៊ុនណាហ៊ាន ប្រជែងក្នុងការប្រើប្រាស់ អាជ្ញាប័ណ្ណ Windows Phone ឡើយ។

គួរបញ្ជាក់ផងដែរថា មកដល់ពេលនេះ មានតែក្រុមហ៊ុន Nokia មួយប៉ុណ្ណោះដែលជោគជ័យ ក្នុងការប្រើប្រាស់ ប្រព័ន្ធដំណើរការ Windows Phone៕ប្រភពមកពី៖Looking Today