យោងតាម eLeak បានឲ្យដឹងថា ក្រុមហ៊ុន Motorola កំពុងតែសហការជាមួយនឹង ក្រុមហ៊ុនផ្ដល់សេវាកម្មទូរស័ព្ទ Verizon ក្នុងការសាកល្បងលើស្មាតហ្វូន Droid Maxx ដែលជាជំនាន់ថ្មីនៃ Droid Ultra។
ប្រភពខាងលើមិនបានបញ្ជាក់ ពីលក្ខណៈពិសេសនោះទេ ប៉ុន្តែបានបញ្ជាក់ថា ស្មាតហ្វូនថ្មីនេះ គឺប្រើប្រាស់ប្រព័ន្ធដំណើរការ Android ជំនាន់ចុងក្រោយ រួមនឹងបំពាក់នូវ Logo របស់ Motorola ថ្មីផងដែរ។
គួរបញ្ជាក់ផងដែរថា នៅមុននេះ នាយកប្រតិបត្តិក្រុមហ៊ុន Motorola បាននិយាយថា នឹងបង្ហាញស្មាតហ្វូនដ៏អស្ចារ្យ សម្រាប់សហរដ្ឋអាមេរិក ដោយបានរចនាឡើងដោយខ្លួន និងផលិតឡើងដោយខ្លួនឯង ដូច្នេះអាចសន្មត់បានថា Droid Maxx អាចជាស្មាតហ្វូនថ្មី ដែលក្រុមហ៊ុននឹងបង្ហាញ ព្រោះថាវាកំពុងតែត្រូវបាន សាកល្បងលើសេវាជាមួយនឹង Verizon ដែលជាក្រុមហ៊ុនផ្ដល់ សេវាកម្មទូរស័ព្ទរបស់អាមេរិក៕ ប្រភពមកពី៖ Looking Today
ខ្ញុំបាទឈ្មោះ តារា ចលនា ជាសិស្សផ្នែកទំនាក់ទំនងសង្គម និងសារព័ត៏មានឆ្នាំទី១ ជំនាន់ទី៦ នៅសាលាបច្ចេកទេសដុន បូស្កូ នៅខេត្តព្រះសីហនុ៕
0 comments:
Post a Comment