លោក JK Shin នាយកប្រតិបត្តិរបស់ Samsung កាលពីថ្មីៗនេះ បានប្រាប់អ្នកយកព័ត៌មានរបស់កូរ៉េថា មកដល់ពេលនេះតួលេខលក់ Galaxy S4 សរុបរបស់ក្រុមហ៊ុនបានកើនដល់ ២០លានគ្រឿងហើយ។
រយៈពេលប្រហែល ២ខែបន្ទាប់ពី Galaxy S4 បានចរាចរលក់នៅលើទីផ្សារ
គេឃើញមានការពេញនិយមប្រើយ៉ាងខ្លាំង ដោយពេលនេះ Galaxy S4 ប្រមាណ
២០លានគ្រឿងបានទៅដល់ដៃអតិថិជនប្រើប្រាស់ហើយ។ មុខងារថ្មីៗ
ព្រមជាមួយសមត្ថភាពដំណើរការល្បឿនលឿនក៏អាចជាចំណុចសំខាន់ក្នុងការ
រុញច្រានឱ្យ Smartphone មួយនេះទទួលបានប្រជាប្រិយភាពខ្លាំងផងដែរ។
លំហូរនៃការចែកចាយ GS IV ជាមួយសន្ទុះលក់ដាច់យ៉ាងឆាប់រហ័សបែបនេះ គឺរាប់ចាប់ពីថ្ងៃចេញលក់ថ្ងៃទី ២៧ ខែមេសា នៅតាមបណ្ដាប្រទេសនានាមួយចំនួន ហើយគិតមកដល់ពេលនេះមានរយៈពេលប្រហែល ២ខែ។
ធៀបទៅនឹង Galaxy S III
ឃើញថា GS4 មានសន្ទុះកើនឡើងខ្លាំងត។ GS III ទម្រាំលក់បាន
៣០លានគ្រឿង គឺចាយពេលអស់ ៥ខែឯណោះ តែ GS4 មិនដូចគ្នាទេគឺ
២ខែលក់បាន ២០លានគ្រឿងទៅហើយ។ នេះមានន័យថា ១ខែបាន ១លាន
ចុះបើរយៈពេល ៥ខែស្មើគ្នានឹង GS III គឺអាចកើនដល់
៥០លានគ្រឿងក៏ថាបានប្រសិនកំណើន
១០លានគ្រឿងលក់ចេញក្នុងមួយខែៗថេរនោះ។
ខែមុន Samsung ធ្លាប់បានប្រកាសតួលេខលក់ GS4 ម្ដងរួចមកហើយដែលរយៈពេល ១ខែអាចលក់បានរហូតដល់ ១០លានគ្រឿង៕ ប្រភពមកពី៖ Sabay News
Wednesday, July 3, 2013
Subscribe to:
Post Comments (Atom)
0 comments:
Post a Comment