ម្តាយឪពុកកំពុងរវល់ផឹកស៊ី ឆក់ឱកាសរំលោភកូនស្រី អាយុ១១ឆ្នាំ ត្រូវប៉ូលិសចាប់ខ្លួន

បុរសល្មោភកាម ម្នាក់ឱ្យដឹងថា ឳពុកម្តាយផឹកស្រាជាមួយ ក៏ធ្វើជាស្រវឹងសុំលាទៅមុន តាមការពិតទៅចាប់រំលោភកូនស្រីអាយុ១១ឆ្នាំ ដែលកំពុងដេកលក់នៅ ឯផ្ទះរហូតបានសម្រេច ប៉ុន្តែត្រូវជាប់ខ្នោះ ប៉ូលិសបន្ទាប់ពី ក្មេងស្រីរងគ្រោះប្រាប់ឳពុកម្តាយរបស់នាង ពេលត្រឡប់មកវិញ ។ ករណីរំលោភសេពសន្ធវៈ នេះបានកើតឡើងនៅលើផ្ទះទូកបណ្តែតទឹក ស្ថិតក្នុងភូមិត្រពាំងរំដេញ ឃុំក្បាលត្រាច ស្រុកក្រគរ កាលពីថ្ងៃទី២ កុម្ភៈ វេលាម៉ោង៩យប់ ។ បុរសល្មោភកាមដែលឃាត់ខ្លួនឈ្មោះឌុល ទិត្យ អាយុ៤៨ឆ្នាំ ឯកុមារីរងគ្រោះអាយុ១១ឆ្នាំ រស់នៅភូមិឃុំកើតហេតុក្បែរគ្នា។ ឈ្មោះជា ឆៃ ជាឳពុកក្មេងស្រីរងគ្រោះ បានប្រាប់ឱ្យដឹងថា នៅវេលាម៉ោង៨យប់ ខ្លួន និងប្រពន្ធបាននាំគ្នាទៅទិញអីវ៉ាន់ ហើយបានចូលផឹកស្រានៅផ្ទះ ប្រជាពលរដ្ឋឈ្មោះបាត់ ចម្ងាយពីផ្ទះរបស់ខ្លួនប្រហែល២០ម៉ែត្រ ដោយទុកឱ្យកូនស្រី២នាក់ ម្នាក់អាយុ១១ឆ្នាំ និងម្នាក់ទៀតអាយុ៣ឆ្នាំនៅចាំផ្ទះ ។ ពេលទៅដល់ឃើញឈ្មោះឌុល ទិត្យ កំពុងផឹកទីនោះដែរ ក៏អង្គុយផឹកស្រាជជែកគ្នាលេង ។ បានមួយសន្ទុះធំឈ្មោះទិត្យ បានសុំលាទៅផ្ទះមុន ដល់ម៉ោងជាង៩ ខ្លួននិងប្រពន្ធក៏ទៅដែរ លុះទៅដល់ផ្ទះកូនស្រីនិយាយប្រាប់រឿងរ៉ាវដែលបានកើតឡើងគាត់ក៏ទៅប្តឹងប៉ូលិសតែម្តង ។