នៅថ្ងៃទី២០នេះ ក្រុមហ៊ុន Apple នឹងចាប់ផ្ដើមលក់ iPhone 5S និង iPhone 5C
ដោយមាន ៩ប្រទេសដំបូង។ នៅពេលនេះ មានអតិថិជន Apple ជាច្រើនបានឈរតម្រង់ជួរ
នៅក្នុងហាង Apple ដោយមានខ្លះបោះតង់ដេកចាំទៀតផង
ប៉ុន្តែនេះមិនមែនជារឿងដែលគួរឲ្យភ្ញាក់ផ្អើលនោះទេ ព្រោះថា រាល់ឆ្នាំ ឲ្យតែ
Apple ចេញលក់ iPhone ឬ iPad ថ្មីតែងតែមាន ព្រឹត្តិការណ៍បែបនេះកើតឡើង។
លោក Gene Munster មកពីស្ថាប័នវិភាគ Piper Jaffray បានឲ្យដឹងថា
នៅចុងសប្ដាហ៍នេះ Apple នឹងលក់បាន iPhone ចំនួន ៥ទៅ៦លានគ្រឿង
ពោលគឺនៅថ្ងៃសុក្រ និងសៅរ៍សប្ដាហ៍នេះ។
លោកមានជំនឿថា iPhone 5S និងលក់បាន ២,៥លានគ្រឿង ចំណែក iPhone 5C
អាចលោតរហូតដល់ទៅ ៣លានគ្រឿង ព្រោះថា របាយការណ៍ Apple បានបង្ហាញថា
មានការបញ្ជាទិញ iPhone រហូតដល់ទៅ ២លានគ្រឿង ដូច្នេះ នៅសប្ដាហ៍ចុងសប្ដាហ៍នេះ
Apple អាចនឹងលក់បាន ៥ទៅ៦លានគ្រឿង។
ចំណុចសំខាន់មួយទៀតគឺថា នៅឆ្នាំនេះ ក្រុមហ៊ុនផ្ដល់សេវាកម្មធំជាងគេរបស់ចិន
និងពិភពលោក China Mobile បានយល់ព្រមចុះកិច្ចព្រមព្រៀងលក់ iPhone
ជំនាន់ថ្មី និងក្រុមហ៊ុនផ្ដល់សេវាកម្មទូរស័ព្ទជប៉ុន NTT DoCoMo ក៏ព្រមលក់
iPhone ថ្មីផងដែរ៕ ប្រភពមកពី៖ Looking Today
Friday, September 20, 2013
Subscribe to:
Post Comments (Atom)
0 comments:
Post a Comment