ខេត្តព្រះសីហនុ ៖ តូបលក់ម្ហូបអាហារដែលមានទីតាំង ស្ថិតនៅតាមបណ្តោយឆ្នេរឯករាជ្យក្នុងក្រុមទី៩ ភូមិ៣ សង្កាត់លេខ៣ ក្រុងព្រះសីហនុ ត្រូវបានអគ្គិភ័យឆាបឆេះអស់គ្មានសល់ចំនួន៤តូប ក្នុងរយៈពេលតែ១ម៉ោងប៉ុណ្ណោះ ដែលហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១១ និង៥នាទីយប់ថ្ងៃទី១៧ មករា ២០១៣។
ប្រភពព័ត៌មានឱ្យដឹងថា មុនពេលកើតហេតុមានភ្ញៀវមកធ្វើពិធីជប់លៀងនៅតូបលេខ៦៩ ដោយមានចាក់ធុងបាស់រាំ ច្រៀង កម្សាន្តយ៉ាងសប្បាយ បន្ទាប់ពីភ្ញៀវទាំងនោះរៀបចំចាកចេញពីកន្លែងកម្សាន្ត ស្រាប់តែមានអណ្តាតភ្លើងឆាបឆេះនៅតូបខាងលើនោះតែម្តង ។ តាមការឱ្យដឹងជំហានដំបូងថា ហេតុការណ៍ឆាបឆេះនេះអាចកើតឡើងដោយសារមានការអាំងសាច់ និងមួយផ្នែកទៀតបណ្តាលមកពីទុស្សេចរន្តអគ្គិសនី ។ ក្នុងពេលកើតហេតុខាងលើនេះ ក៏មានរថយន្តបង្ការ និងពន្លត់អគ្គិភ័យរបស់ស្នងការដ្ឋាននគរបាលខេត្តព្រះសីហនុ បានជួយធ្វើអន្តរាគមន៍ពន្លត់ ប៉ុន្តែដោយសារតូបទាំងនោះធ្វើអំពីឈើប្រក់ស្បូវ តែមួយប៉ប្រិចភ្នែកប៉ុណ្ណោះ ភ្លើងឆាបឆេះអស់គ្មានសល់ ទើបរថយន្តមិនអាចជួយពន្លត់បានទាន់ពេលវេលា ។
លោកបេ ស៊ីវណ្ណា នាយការិយាល័យបង្ការ និងពន្លត់អគ្គិភ័យនៃស្នងការដ្ឋាននគរបាលខេត្ត បានមានប្រសាសន៍ថា ករណីអគ្គិភ័យឆាបឆេះខាងលើនេះ សមត្ថកិច្ចពុំទាន់រកមូលហេតុឃើញនៅឡើយទេ កំពុងធ្វើការស្រាវជ្រាវបន្ត៕
សិស្សផ្នែកទំនាក់ទំនងសង្គមឆ្នាំទី១ ក្រុមB
Social Commnication
ការសិក្ខាសាលាអំពីអ្នកសារព័ត៏មាននៅខេត្តកែប
Social Communication
រូបសំណាក់លោកឪពុកបូស្កូ
Social Communication
សកម្មភាពសិស្សពេលប្រលងចូលរៀននៅសាលាដុន បូស្កូ
Social Communication
ព្រះបរមរាជវាំងនៃព្រះរាជាណាចក្រកម្ពុជា
Social Commnication
Friday, January 18, 2013
Monday, January 7, 2013
ដំនើរកំសាន្តរួមគ្នា
ថ្ងៃស្អែកត្រូវនិងទី ០៩ ខែមករា ឆ្នាំ២០១៣ ផ្នែកទំនាក់ទំនងសង្គម និង សារព័ត៏មានខេត្តព្រះសីហនុបានធ្វើដំណើរទៅសាលា ដុនបូស្កូកែប ចាប់ចេញដំណើរពីម៉ោង ០៣:៣០នាទីលា្ងច។ យើងធ្វើដំណើរទៅក្នុងគោលបំណងដើម្បីធ្វើ សិក្ខាសិលា ជាមួយនិងក្រុមហ៊ុន ការសែតខេមបូឌាឌែលលី។ ហើយក្រៅពីនេះក៍មាន ការប្រកួតកីឡារវាងលោកគ្រូខេត្តព្រះសីហនុជា មួយនិងគ្រូកែប ហើយមាន ការប្រកួត បាល់បោះកូនស្រីខេត្តព្រះសីហនុជាមួយ និងកូនស្រីខេត្តកែប ហើយកូនប្រុសមានការប្រូកួត បាល់ទាត់ និងពេលរាត្រី មានការប្រកួតក្បាច់រំា។
អំពីកីឡាពណ៍នៅសាលាបច្ចេកទេសដុនស្កូ
ជាធម្មតានៅសាលាបច្ចេកទេសដុនបូស្កូតែតែងមានការប្រកួតកីឡាពណ៌ជារៀងរាល់ឆ្នាំ។ ដែលធ្វើឡើងនៅចុងខែ១ ដែលមានការចូលរួមពីសិស្សានុសិស្សនៃសាលាបច្ចេកដុបូស្កូ។ ដែលរៀបចំឡើងដោយលោកឪពុកដែលជាគណៈគ្រប់គ្រងសាលា។ ការរៀបចំធ្វើឲ្យភាពអ៊ូអរ និង សប្បាយក្រៃលែង។ កីឡានោះមាន៤ពណ៏ និង៤ក្រុម ពណ៏ទាំងនោះមានដូចជា ខៀវ ក្រហម លឿង និងពណ៏ផ្កាឈូក។ ក្នុងការប្រកួតកីឡាមានវិញ្ញាសារជាច្រើន ដូចជា៖ កីឡាបាល់ទាត់ បាល់ទះ បាល់បោះ ការរត់ចំងាយ ការដើរលើខ្សែពួរ ចោលដុំដែក ការរាំធុងបាស់ និង ល្បែងប្រជាប្រិយ ជាច្រើន...។
Tuesday, January 1, 2013
បរិស្ថាន
ពាក្យបរិស្ថាន មកពីភាសាបារាំង environner វាមានន័យថាជាការព័ទ្ធជុំវិញ ឬរបស់នៅជុំវិញ ឬទី២ គឺជាលក្ខណ្ឌទាក់ទិនគ្នានៅក្នុងសង្គម និងវប្បធម៌ឥទ្ធិពលលើបុគ្គលណាមួយ ឬសហគមន៍រស់នៅ។
យើងក៏អាចឲ្យនិយមន័យផងដែរថាៈ ទីមួយគឺជាដី សមុទ្រ ខ្យល់ អាកាសធាតុ រុក្ខជាតិ និងអ្វីៗដែលនៅជុំវិញយើង ដែលមានមនុស្ស សត្វ និងរុក្ខជាតិផងដែរទាំងនេះហៅថា បរិស្ថានរូប។ ទីពីរ គឺកត្តាទាំងឡាយណាដែលមានហេតុប៉ះពាល់លើប្រភេទសារពាង្គកាយណាមួយ ឬក៏ជះឥទ្ធិពលលើពិភពលោកយើងទាំងមូល។ បរិស្ថានរបស់យើងនេះ គឺជាវត្ថុទាំងឡាយដែលនៅជុំវិញយើង ហើយវាមានឥទ្ធិពលដល់យើងវិញដោយរួមមានទាំងអ្វីដែលបានមកពីធម្មជាតិ ឧទាហរណ៍មាន ដើមឈើ មច្ឋាជាតិ ទឹកភ្លៀង គឺ បរិស្ថានធម្មជាតិ។ អ្វីៗដែលបង្កើតដោយស្នាដៃមនុស្ស ឧទាហរណ៍មានដូចជា ទូរទស្សន៍ និងរថយន្ត គឺ បរិស្ថានបង្កើតដោយមនុស្ស។ ចំណេះដឹង និងជំនឿផ្សេងៗរបស់សហគមន៍រស់នៅគឺ បរិស្ថានវប្បធម៌។ មាគ៌ាដឹកនាំផ្សេងៗ ហើយនិងក្រុមទាំងឡាយណា ដែលបានរៀបចំឡើង គឺជា បរិស្ថានសង្គម។ ទ្រព្យសម្បត្តិដែលយើងមាន ឬក៏មិនមានហៅថា បរិស្ថានសេដ្ឋកិច្ច ហើយនិងអ្វីៗដែលបានអនុវត្តលើសីលធម៌ដែលវាពិនិត្យលើសុជីវធម៌លើការទទួលខុសត្រូវក្នុងការរស់នៅ គឺជា ក្រមបរិស្ថានក្នុងការរស់នៅ។
Subscribe to:
Posts (Atom)
ខ្ញុំបាទឈ្មោះ តារា ចលនា ជាសិស្សផ្នែកទំនាក់ទំនងសង្គម និងសារព័ត៏មានឆ្នាំទី១ ជំនាន់ទី៦ នៅសាលាបច្ចេកទេសដុន បូស្កូ នៅខេត្តព្រះសីហនុ៕
